President i Turqisë, Recep Tayyip Erdoğan, tha se vend i tij do të vazhdojë përpjekjet për t’u bërë plotësisht i pavarur në industrinë e mbrojtjes, raporton Anadolu.
“Ne nuk do të ndalemi apo të kthehemi prapa nga rruga jonë derisa të arrijmë qëllimin e një Turqi plotësisht të pavarur në industrinë e mbrojtjes”, tha Erdoğan gjatë një mitingu zgjedhor në provincën Çankırı.
Erdoğan tha gjithashtu se KAAN, avioni luftarak i Turqisë, do të dorëzohet në vitin 2028, duke shtuar se nga kjo datë e tutje, KAAN do të mbrojë “qiejt tanë”.
Ai më tej tha se Turqia ka filluar përgatitjet për të ndërtuar “një aeroplanmbajtëse edhe më të madhe pas TCG Anadolu”.
Presidenti turk tha se nuk ka vend të sigurt për grupet terroriste, duke shtuar më tej se Ankaraja zbulon terroristët përtej kufijve të vendit, rreth 300-350 kilometra larg, dhe i “neutralizon” ata “kur ata nuk e presin atë”.
Çankırı Mitingi https://t.co/C44TnKjVlk
— Recep Tayyip Erdoğan (@RTErdogan) March 22, 2024
