Presidenti i Turqisë, Recep Tayyip Erdoğan, ka deklaruar se vendi i tij do të vazhdojë të qëndrojë me popullin e shtypur të Gazës përballë sulmeve të Izraelit në Rripin e Gazës, raporton Anadolu.
“Turqia do të vazhdojë të qëndrojë me popullin e shtypur, edhe nëse mbetet e vetmja”, tha presidenti Erdoğan.
Kostoja humanitare e terrorizmit shtetëror të Izraelit, theksoi presidenti turk, po rritet në rajon me mbështetjen perëndimore. Ai paralajmëroi se historia nuk do t’i falë ata që heshtin.
Siç tha presidenti Erdoğan, Këshilli i Sigurimit i Kombeve të Bashkuara (OKB) është kthyer në një strukturë elitare që ka prioritet interesat e pesë anëtarëve të përhershëm mbi të drejtat e të 193 vendeve anëtare.
Ai shprehu shpresën se administrata e re e SHBA-së do të ndërmarrë “hapa më të guximshme, më të kujdesshme dhe më mbështetëse në rrugën drejt paqes”.
Presidenti turk po ashtu theksoi se vendi i tij kontribuoi në “paraqitjet e forta” të deklaratës së G20-tës mbi Gazën.
