Fundi i regjimit Baath në Siri është gjithashtu fitore për Türkiyen, tha sot presidenti Recep Tayyip Erdoğan, raporton Anadolu.
“Fundi i tiranisë së regjimit Baath është fitorja e vëllezërve tanë sirianë dhe është gjithashtu fitorja jonë si fqinjët e tyre”, tha Erdoğan në një kongres të Partisë për Drejtësi dhe Zhvillim (AK) në Şanlıurfa.
Duke folur për terrorizmin në rajon, Erdoğan tha se epoka e shfrytëzimit të rajonit duke përdorur organizatat terroriste ka marrë fund, duke shtuar se periudha e përdorimit të terrorizmit si armë dhe mjet ka përfunduar.
Bashar Asad, lideri i Sirisë për gati 25 vjet, iku në Rusi pasi grupet kundër regjimit morën kontrollin e Damaskut më 8 dhjetor, duke i dhënë fund regjimit të Partisë Baath, e cila kishte qenë në pushtet që nga viti 1963.
