Të gjitha fazat e marrëveshjes së armëpushimit të Gazës midis Izraelit dhe grupit palestinez Hamas duhet të zbatohen plotësisht dhe ndihma humanitare duhet të dërgohet në enklavë pandërprerë, tha sot presidenti turk Recep Tayyip Erdoğan në një konferencë shtypi me kryeministrin sllovak vizitues Robert Fico në Ankara, raporton Anadolu.
Lidhur me armëpushimin trefazor, faza e parë e së cilës hyri në fuqi të dielën, Erdoğan tha se komuniteti ndërkombëtar duhet të sigurojë që Izraeli të përmbushë përgjegjësitë e tij.
Hamasi liroi tre pengje izraelite, ndërsa Izraeli liroi 90 të burgosur palestinezë të dielën.
Türkiye është e përkushtuar për krijimin e një shteti të pavarur dhe sovran palestinez, bazuar në kufijtë e vitit 1967, me Kudsin Lindor si kryeqytet, shtoi Erdogan.
Ai tha se theksoi gjithashtu rëndësinë e heqjes së kufizimeve ndërkombëtare ndaj Sirisë për të filluar punën e rindërtimit.
Nga ana e tij, Fico shprehu shpresën që aspiratat e Türkiyes për anëtarësim të plotë në BE të realizohen sa më shpejt të jetë e mundur, duke konfirmuar mbështetjen e plotë të vendit të tij.
