Kampionia olimpike në kategorinë deri në 57 kilogramë në xhudo, Nora Gjakova, është eliminuar nga Lojërat Olimpike “Parisi 2024”.
Gjakova u mposht nga xhudistja mongoleze Enkhriilen Lkhagavatogo në rrethin e parë të garave.
Ajo është një nga sportistet më të suksesshme në historinë e Kosovës.
Gjakova deri më tani ka arritur të fitojë mbi dhjetë medalje të arta: një medalje të artë olimpike, dy medalje të arta në Grand Slam, një në Kampionatet Kontinetale, pesë në Grand Prix dhe tri në garat evropiane.
