Njerëzit janë në rrezik të zhvillojnë një sërë problemesh me pankreasin pasi keqdiagnostiohen me diabet të tipit 2.
Një studim i fundit ka zbuluar se ekziston diabeti i tipit 3, i cili ndodh si pasojë e inflamacionit të pankreasit, rritjes anormale të indeve në këtë organ, duke ndikuar kështu në aftësinë e trupit për të prodhuar insulinë.
Hulumtuesit shkencorë thonë se Shërbimi Kombëtar Shëndetësor dhe ekspertët e shëndetit duhet të bëjnë dallimin mes tipeve të diabetit, për të shmangur kujdesin e gabuar ndaj pacientit.
Ekspertët nga Universiteti Surrey kontrolluan të dhënat mjekësore të më shumë se 2 milionë britanikëve për të analizuar shpeshtësinë e llojeve të ndryshme të diabetit dhe saktësinë e diagnozës.
Studimi zbuloi se mbi 97.3% e njerëzve që kanë përjetuar më parë sëmundje të pankreasit janë keqdiagnostikuar kryesisht me diabet të tipit 2.
Diabeti i tipit 2 shfaqet kur trupi nuk prodhon mjaftueshëm insulinë për të funksionuar siç duhet, ose kur qelizat e trupit nuk reagojnë ndaj insulinës kështu glukoza mbetet në gjak në vend që të përdoret si energji.
Kjo lidhet shpesh me obezitetin tek njerëzit e moshës së mesme ose më të vjetër.
Nga ana tjetër, diabeti i tipit 3 shfaqet pas një dëmtimi të pankreasit, që është quajtur ndryshe “diabeti pankreatogjenik”.
Në këtë rast pacienti mund të vuajë nga ky lloj i diabetit nëse po përjeton simptoma të fibrozës cistike, inflamacion në pankreas apo edhe kancer të pankreasit. Një diagnozë e gabuar mund të ndikojë në trajtimin e ofruar për pacientët.
Diabeti i tipit 3 kërkon trajtim më urgjent me insulinë se diabeti i tipit 2 për të zbuluar mungesën e glukozës në gjak.
Sipas Organizatës Botërore të Shëndetit, rreth 422 milionë njerëz në të gjithë botën vuajnë nga një tip i diabetit. Dhe sipas shkencëtarëve, rastet me diabet të tipit 3 kanë filluar të shtohen më shumë se ato të tipit 1 tek të rriturit.
Shkencëtarët rekomandojnë ekspertët e shëndetit të njohin mirë formën më të re të diabetit për të diagnostikuar saktë pacientët. /Burimi: Daily Mail/ /Mesazhi/
