Siç raportuam më herët, një sulm ajror izraelit në qytetin e Gazës ka vrarë të paktën pesë persona, me shumë të tjerë ende nën rrënoja mes përpjekjeve të shpëtimit, thotë Aljazeera.
Mohsen Moahes, një ndihmës mjekësor në qytetin e Gazës, tha se sulmi kishte në shënjestër një bllok banimi që strehonte palestinezët e zhvendosur që ishin larguar nga Jabalia në Gazën veriore.
“Një numër i personave të zhdukur mbeten këtu dhe Mbrojtja Civile po përpiqet t’i nxjerrë jashtë, por me burimet e pamjaftueshme dhe vështirësinë e situatës dhe numrin e të zhvendosurve brenda vendit që ishin këtu, ne nuk jemi në gjendje t’i rikuperojmë deri më tani. ”, tha Moahes për Al Jazeera.
Mohammed Marzouq, i cili është zhvendosur për shkak të luftës së Izraelit në enklavë, i tha gjithashtu Al Jazeera se ai po priste të merrte bukë në furrë kur “ndjeu një tërmet” ndërsa goditi sulmi.
“Fëmijë, shumica e viktimave janë fëmijë… Nëse shkoni në spital, do të shihni njerëzit pa kokë dhe të djegur,” bërtiti ai.
