Gjykata më e lartë e Apelit në Egjipt, ka shfuqizuar të martën dënimin me vdekje për ish presidentin Mohamed Morsi për komplot me grupin palestinez Hamas, për çka ka urdhëruar rigjykim, raporton Anadolu Agency (AA).
Morsi bashkë me 16 figura të larta të Vëllazërisë Muslimane morën dënimin me vdekje, sepse sipas akuzës, ata kanë organizuar një komplot bashkë me Hamasin për të kryer sulme terroriste.
Gjashtëmbëdhjetë figura të larta të Vëllazërisë u dënuan me vdekje ndërkohë dy të tjerrë u dënuan me nga shtatë vite burg.
“Të martën gjykata e Egjiptit pranoi ankesën e parashtruar nga Morsi dhe të dënuarit e tjerë për çka urdhëroi rigjykim”, deklaroi për AA një burim nga gjyqësori.
Javën e kaluar gjykata në Egjipt ka hedhur poshtë dënimin me vdekje ndaj presidentit të rrëzuar egjiptian Mohammed Morsi në rastin e njohur si “arratisje masovike nga burgu në vitin 2011”.
Aktualisht ai po vuan tre dënime të larta për pretendimet se ka vrarë protestues dhe se ka spiunuar për Katarin.
Ashtu si bashkë të pandehurit edhe Morsi pohon se të gjitha akuzat kundër tij janë të motivuara politikisht.
