Të paktën 25 persona kanë humbur jetën dhe 40 të tjerë janë plagosur si pasojë e zjarrit të shpërthyer në stacionin hekurudhor në rajonin Ramses të kryeqytetit të Egjiptit, Kajro, transmeton Anadolu Agency (AA).
Sipas lajmit të televizionit shtetëror të Egjiptit, bëhet e ditur se numri i të vdekurve nga zjarri i shpërthyer në stacionin hekurudhor është rritur në 25, ndërsa të plagosurve në 40.
Autoriteti egjiptian hekurudhor njoftoi se derisa një tren pasagjerësh është afruar në stacion ka shpërthyer rezervuari i karburantit, ndërsa në stacion prisnin qindra udhëtarë.
