Një gjykatë rabine izraelite vendosi kundër dy krerëve të Yeshiva për abuzim seksual të nxënësve për vite me radhë në Yeshiv-ën Sefardike Be’er Yehuda në Kuds, raportoi gazeta izraelite “Haaretz”, transmeton Anadolu Agency (AA).
Gjykatësit e gjykatës private rabine Haredi vendosën që rabinët Yitzhak dhe Moshe Tufik i dëmtuan djemtë duke përdorur “gjëra të rënda që nuk mund të shkruhen”, duke theksuar se “akte të tilla të rënda po vazhdojnë”.
“Haaretz” shtoi se gjykata e bazoi vendimin e saj në rrëfimet e dhjetë të diplomuarve, të cilat gjykata tha se mbështeten nga prova të tilla si letra dhe regjistrime.
Gjykata ndaloi gjithashtu dy rabinët që të jenë në kontakt me të rinjtë dhe paralajmëroi ata që i ndihmonin në mbulimin e krimeve të tyre për mbajtjen e një mëkati “të rëndë”.
Për më tepër, nxënësit nuk do të lejohen të marrin pjesë në Yeshiva ndërsa ata që ishin dëmtuar më parë u inkurajuan që sa më parë të paraqesin ankesat e tyre në stacionin policor.
Sipas “Haaretz”, Yitzhak, vëllai më i madh, akuzohet për vepra më të rënda se vëllai i tij Moshe.
Gjyqtarët nuk dëgjuan kundërshtimin e vëllezërve Yeshiva, tha gazeta, duke vënë në dukje se njëri prej vëllezërve tha se i mohoi të gjitha akuzat e ngritura kundër tyre pavarësisht disa ankesave zyrtare që ishin ngritur kundër tyre në ditët e fundit.
Duke folur për “Haaretz”, Moshe Tufik hodhi poshtë vendimin e gjykatës rabine si “një gjykatë jokompetente” duke thënë se atyre nuk iu mundësua një seancë dëgjimore. /aa
