Fotot e Husam Abu Safiyye më 27 dhjetor duke ecur drejt tankeve izraelite me një pallto të bardhë bënë xhiron e botës.
Husam Abu Safiyye, drejtor i spitalit “Kamal Adwan” në veri të Rripit të Gazës, është bërë një nga simbolet e rezistencës kundër pushtimit izraelit në Rripin e Gazës.
“Kamal Adwan”, një nga spitalet e pakta që ende funksionojnë në veri të Gazës, u bastis përsëri nga ushtarët izraelitë më 27 dhjetor.
Forcat izraelite ndaluan drejtorin e spitalit Abu Safiyye dhe morën dhjetëra anëtar të personelit mjekësor në qendër për t’u marrë në pyetje.
Abu Safiyye nuk i braktisi pacientët dhe kolegët e tij deri në momentin e fundit, duke luftuar për ta mbajtur spitalin në funksion pavarësisht sulmeve izraelite.
Fotot e Abu Safiyye nga 27 dhjetori duke ecur drejt tankeve izraelite me një pallto të bardhë bënë xhiron e botës. Ky hero me të bardha është bërë simbol i rezistencës ndaj pushtimit izraelit në Gaza.
Ky ishte një nga regjistrimet e fundit të Ebu Safiyye para se të arrestohej nga ushtarët izraelitë dhe të dërgohej në një vend të panjohur.
Ende nuk ka të dhëna për vendndodhjen e Ebu Safijes apo gjendjen e tij shëndetësore.
Ebu Safiyye, i cili nuk i braktisi pacientët dhe kolegët e tij, edhe pse rrezikoi jetën, lindi më 21 nëntor 1973, në kampin e refugjatëve Jabaliya në veri të Gazës.
Familja Ebu Safiyya, e njohur gjithashtu si Abu Ilyas, u zhvendos me forcë nga Askalani (Ashkelon) në vitin 1948 dhe gjeti strehim në Gaza.
Ebu Safiyye njihet si një nga pediatrit kryesorë në Gaza.
Si çdo palestinez, ai pagoi një çmim të lartë në sulmet izraelite në Gaza që nga 7 tetori 2023.
Djali i tij Ibrahim u vra në sulmin izraelit në spitalin Kamal Adwan më 26 tetor të vitit të kaluar.
Pavarësisht tragjedisë familjare, ai vazhdoi të kryente detyrën dhe të ndihmonte palestinezët në Gaza.
Abu Safiyya u plagos gjatë një sulmi të ushtrisë izraelite në spital më 23 nëntor.
“Kjo nuk do të na pengojë. Unë jam plagosur aty ku punoj dhe jam i nderuar. Gjaku im nuk është më i vlefshëm se gjaku i kolegëve të mi apo njerëzve të cilëve u shërbejmë. Unë do të kthehem te pacientët e mi sapo të shërohem”, tha ai pas marrjes së plagëve.
Gjatë sulmeve tokësore të ushtrisë izraelite që filluan më 6 tetor dhe vazhduan, Ebu Safija thirri shumë herë për ndihmë.
Megjithatë, ndërsa bota qëndroi e heshtur ndaj thirrjeve të mjekut palestinez, ushtarët izraelitë sulmuan spitalin me tanke dhe automjete të blinduara më 27 dhjetor.
“Kamal Adwan”, një nga spitalet e pakta që ishte strehë për të plagosurit dhe pacientët në Gaza, tashmë nuk funksionon më.
