Dortmundi nuk ka lejuar befasi ndaj skuadrës së Freiburgut.
Dortmundi të shtunën pasdite fitoi 4:0 në shtëpi ndaj Freiburgut në kuadër të xhiros së 11-të të Bundesligës gjermane.
Maximilian Beier, Felix Nmecha, Julian Brandt dhe Jamie Gittens ishin realizatorët e golave për Dortmundin.
Beier e realizoi golin e parë në minutën e shtatë. Nmecha shënoi për 2:0 në minutën e 40-të. Brandt për 3:0 realizoi në minutën e 66-të dhe Gittens për 4:0 në minutën e 77-të.
Patrick Osterhage dhe Junior Adamu u ndëshkuan me kartonë të kuq te Freiburgu.
Florent Muslija u aktivizua nga minuta e 73-të te Freiburgu.
Dortmundi ka 19 pikë. Freiburgu ka dy pikë më pak. Të dyja skuadrat renditen në pjesën e epërme të tabelës.
