Një mijë copë injeksione të padeklaruara në vlerë rreth 15 mijë euro janë sekuestruar të premten në Han të Elezit nga Dogana e Kosovës.
Në njoftim thuhet se, injeksionet (CLEXANE 4.000 IU /40 mg/0.4 ml) janë zbuluar në kabinën e një maune gjatë një kontrolli të kryer.
Po ashtu, bëhet e ditur se mauna është devijuar për të vazhduar kontrollin dhe procedurat doganore në Terminalin e Hanit të Elezit.
“Dogana e Kosovës ka parandaluar një përpjekje për kontrabandë medikamentesh gjatë një kontrolli të kryer në kabinën e një maune, duke zbuluar mallra të padeklaruara dhe të fshehura. 1000 copë injeksione CLEXANE 4.000 IU (40 mg/0.4 ml), me një vlerë prej rreth 15,000 €. Mallrat janë sekuestruar derisa Dogana e Kosovës ka ngritur kundërvajtjeje doganore në përputhje me Kodin Doganor dhe legjislacionin në fuqi. Mauna është devijuar për të vazhduar kontrollin dhe procedurat doganore në Terminalin e Hani i Elezit. Dogana e Kosovës mbetet e përkushtuar për të luftuar kontrabandën dhe për të mbrojtur ekonominë e vendit”, thuhet në njoftim.
