Samiti i komisioneve për Punë të Jashtme të parlamenteve të vendeve të Evropës për të dytën ditë vazhdon punimet në Prishtinë, ndërsa do të diskutohet lufta kundër terrorizmit dhe radikalizmit në rajon.
Samiti organizohet nga Komisioni për Punë të Jashtme i Kuvendit të Republikës së Kosovës.
Në këtë Samit po marrin pjesë përfaqësues të Parlamentit Evropian dhe të parlamenteve të shteteve të ndryshme evropiane, drejtues të institucioneve të Kosovës dhe institucioneve ndërkombëtare në vendin tonë.
Sot do të diskutojnë deputetë dhe ministra, ndërsa tema kryesore është lufta kundër terrorizmit dhe radikalizmit në rajon.
