Disa të arrestuar në protestën pro-pa’lestineze në Berlin

Policia gjermane ka arrestuar disa demonstrues gjatë një proteste pro-palestineze në Berlin.

Më shumë se 1000 njerëz u mblodhën në kryeqytetin gjerman për të shprehur solidaritetin me palestinezët dhe për të protestuar kundër sulmeve të vazhdueshme të Izraelit në Gaza.

Duke mbajtur flamuj palestinezë, turma marshoi me pankarta ku shkruhej: “Kjo është një luftë antikoloniale për liri” dhe “Larg duart nga Gaza dhe Libani”.

Një grup pro-izraelit u mblodh përgjatë rrugës së marshimit dhe u përpoq të provokonte marshuesit duke shpalosur flamujt izraelitë, por policia ndërhyri për të parandaluar çdo konfrontim.