Dhjetëra kolonë hebrenj, të shoqëruar nga policia izraelite, sot hynë në kompleksin e xhamisë Al-Aksa të Kudsit, transmeton Anadolu Agency (AA).
Në një deklaratë, Vakëfi Islam i Kudsit tha se 45 kolonët hynë në këtë lokacion përmes Portës al-Mugharbah të kompleksit.
Autoritetet fetare palestineze i kanë bërë thirrje vazhdimisht qeverisë izraelite të ndalojë vizitat e kolonëve në vendin e shenjtë derisa ato shkaktojnë konfrontime me adhuruesit myslimanë.
Xhamia Al-Aksa është vendi i tretë më i shenjtë në botë për myslimanët. Hebrenjtë e quajnë zonën “Mali i Tempullit”, duke pretenduar se është vendi i dy tempujve hebrenj në kohërat antike.
Izraeli pushtoi Kudsin Lindor, ku ndodhet Al-Aksa, gjatë Luftës arabo-izraelite të vitit 1967. Izraeli aneksoi të gjithë qytetin në vitin 1980, një hap asnjëherë i njohur nga komuniteti ndërkombëtar.
