Dhjetëra hebrenj fanatikë të shoqëruar nga policia izraelite hynë në oborrin e kompleksit të shenjtë Mesxhid Al-Aksa në Qytetin e Vjetër të Kudsit Lindor të pushtuar, transmeton Anadolu Agency (AA).
Në një deklaratë me shkrim nga Administrata e Vakëfe Islame të Kudsit thuhet se 139 hebrenj fanatikë, duke përfshirë ish-deputetin e ekstremit të djathtë Yehuda Glick, ia mësynë drejt Al-Aksasë përmes Portës Al-Magaribe në jugperëndim të kompleksit.
Grupi hebre, nën mbrojtjen e policisë izraelite, u largua nga Mesxhid al-Aksa pasi u end në oborret e Haram Al-Sharifit.
Vizitat e tilla në Al-Aksa nga hebrenjtë fanatikë bëjnë që tensionet në zonë të përshkallëzohen.
Sipas marrëveshjes së paqes të nënshkruar midis Izraelit dhe Jordanisë më 26 tetor 1994, Mesxhid al-Aksa është nën kujdesin e Administratës së Vakëfeve Islame të Kudsit, e cila është e lidhur me Ministrinë jordaneze të Vakëfeve, Çështjeve Islame dhe Shenjtërisë.
Megjithatë, që nga viti 2003, pa lejen e Administratës, hebrenjtë kanë hyrë në faltoren e shenjtë me vendimin e njëanshëm të Izraelit, të shoqëruar nga policia.
Duke i përshkruar këto vizita si bastisje, Administrata e Vakëfeve Islame të Kudsit deklaron se në këtë mënyrë shkelet sovraniteti i muslimanëve. /aa
