Gjykata Themelore në Ferizaj e ka dënuar me burgim të përjetshëm, të akuzuarin Trimor Lalinovci.
Lalinovci u shpall fajtor për vrasjen e kryer në dhjetor të vitit 2019.Gjykata gjeti se i akuzuari, me dashje, në mënyrë dinake dhe me qëllim të përfitimit të kundërligjshëm të dobisë pasurore, kishte privuar nga jeta Shkodran Bytyqin, transmeton lajmi.net.
Bytyqi ishte vrarë më 8 dhjetor 2019 në fshatin Surqinë, e më pas i dyshuari kishte marrë trupin e viktimës dhe e kishte dërguar në fshatin Kishnapole të Gjilanit.
Lalinovci dyshohet se më ishte kthyer përsëri në këtë fshat dhe ia kishte vënë zjarrin kufomës së Bytyqit.
