Sulmuesi francez, Ousmane Dembele i është bashkuar gjigantit katalunas Barcelonës.
Prezantimi i lojtarit pritet të bëhet gjatë ditës së sotme në stadiumin ‘Camp Nou’.
Francezi i talentuar ka deklaruar se ka realizuar një ëndërr që të luaj me fanellën e Barcelonës
“Ka qenë gjithmonë ëndrra ime që të isha futbollist te Barcelona. Tani që jam këtu jam shumë i lumtur që kam realizuar një ëndërr që e kam pasur që fëmijë”, tha Dembele.
20-vjeçari beson se është tek klubi më i mirë në botë dhe se do të luajë me futbollistët më të mirë.
“Ndodhem te klubi më i mirë në botë, gjithashtu me futbollistët më të mirë në botë”.
“Objektivi im është që të jap gjithçka për këtë klub dhe për skuadrën. Dua të njoh dhe të adaptohem me shokët e skuadrës dhe të fitoj maksimumin e trofeve me Barcelonën”, deklaroi Dembele.
Kujtojmë se sulmuesi anësorë u transferua te Barcelona nga Borussia Dortmund dhe i kushtoi katalunasve 105 milionë euro ndërsa në rast se i arrinë bonuset atëherë Barcelona mund të paguajë për lojtarin plus 45 milionë euro tjera.
