Delfini që i mbijetoi djegies nga dielli pesë vite më parë në Gjirin Cromarty në Skoci ka lindur një këlysh. Spirtle ngeci në bregun e këtij gjiri në Maj të vitit 2016 për 24 orë dhe pësoi djegie të rënda nga dielli.
Asokohe, ajo u gjet rastësisht nga një çift që kishte humbur rrugën ndërsa po kërkonte një pikë vrojtimi për delfinët. Skuadra e shpëtimit arriti ta kthente në ujë, por kishin frikë se do të ngordhte nga plagët e shkaktuara.
E mbajtur nën vëzhgim, Spirtle, e cila i ka ende të dukshme shenjat nga djegiet, ka lindur të voglin e saj. Ky është një lajm i gëzueshëm pasi këtë muaj u shënuan 13 delfinë të ngordhur në këto ujëra pasi kishin ngecur në breg./tvklan.al
