Trajneri Armend Dallku, fizioterapeuti Atdhe Halimi, dhe dy futbollistët Labinot Ibrahimi dhe Lorik Boshnjaku, kanë përfunduar në emergjencë, pas situatës tensionuese që ka ndodhur pas ndeshjes Gjilani – Prishtina.
Kryendeshja e xhiros së 29-të e Superligës së Kosovës, ka vënë në pah edhe një herë skena jo të mira që sjellë futbolli i Kosovës.
Pas përfundimit të ndeshjes, është krijuar një tollovi tek mesi i fushës, ku qëndrojnë gjyqtarët, me policët që kanë hedhur sprej në drejtim të futbollistëve të FC Prishtinës, dhe trajnerit të tyre, Armend Dallku.
Një pjesë e tyre, tashmë ndodhën në emergjencë për të marrë ndihmën e parë.
Kujtojmë se Gjilani mundi 2:1 FC Prishtinën në këtë përballje.
