Të paktën 13 persona kanë vdekur dhe tre të tjerë janë lënduar pasi është shembur streha e stacionit hekurudhor në Novi Sad të Serbisë të premten pasdite.
Dyshohet se ka trupa të tjerë të mbetur nën rrënoja. Aktualisht, mbi 100 pjesëtarë të ekipeve të shpëtimit janë në vendngjarje.
Serbia e ka shpallur 2 nëntorin ditë zie.
Ky stacion hekurudhor ishte ndërtuar më 1964. Më 2024, pas rikonstruktimit për tre vjet, ky stacion u hap sërish. Më 5 korrik, në hapjen e objektit të rindërtuar kishte marrë pjesë edhe ministri i Infrastrukturës dhe Energjisë, Goran Vesiq, kryetarja e Qeverisë Krahinore Maja Gojkoviq dhe kryetari i Komunës së Novi Sad, Millan Gjuriq.
Infrastruktura e Hekurudhave të Serbisë bëri të ditur se streha që u shemb “nuk ka qenë subjekt i rindërtimit në kuadër të punimeve për rinovimin e objektit të stacionit në kuadër të projektit të ndërtimit të linjës së shpejtësisë së lartë Novi Sad-Suboticë”.
Rekonstruisana železnička stanica u Novom Sadu!
Ovo je katastrofa i tragedija za koju verovatno niko nikada neće odgovarati.
📹 Ig serbialive/novi sad pic.twitter.com/DX6bdB14lv— Lodger Limansky (@paratzelzius) November 1, 2024
