Ilir Daja do të marrë drejtimin e Dinamo Tiranës dhe do t’i takojë të debutojë në një derbi, atë me Partizanin më 11 shtator. Trajneri kryeqytetas është përshëndetur dhe me lojtarët e Ballkanit, ekipin që e drejtoi sezonet e fundit, duke arritur suksese të mëdha.
Ai rikthehet pas shumë vjetësh te Dinamo-ja, ku ka luajtur si lojtar dhe ka fituar titullin kampion. Detajet e bashkëpunimit mes klubit kryeqytetas dhe trajnerit 57-vjeçar do të mësohen kur të bëhet prezantimi zyrtar i tij në fillim të kësaj jave. Daja zëvendëson Mehmetin, i pezulluar nga klubi.
