KANCERI I TRURIT
Tumoret e trurit nuk janë një problem shumë i rrallë. Me mijëra e mijëra njerëz diagnostikohen çdo ditë me tumor të trurit dhe pjesës tjetër të sistemit nervor.
Diagnostikimi dhe trajtimi i tumorit të trurit varet nga lloji i tumorit, shkalla dhe ku ai ka filluar. Ky tekst i përgjithësuar do t’ju ndihmojë juve ta kuptoni më së miri se si vjen, si diagnostikohet dhe cilat jap opsionet për t’i trajtuar tumoret e trurit.
NDËRTIMI I TRURIT
Truri është organi më i rëndësishëm në organizmin e njeriut. Ai kontrollon të pesë ndjenjat, si edhe aftësinë për të folur dhe lëvizur.
Ana e djathtë e trurit kontrollon anën e majtë të trupit, dhe ana e majtë e trurit kontrollo të djathtën e trupit.
Truri është një ind i butë, sfungjeror. Ai mbrohet nga eshtrat e kafkës dhe tre membrana të holla të quajtura meningjite. Një lëng ujor i quajtur lëngo truroshpinor po ashtu jep një mbrojtje shtesë për trurin duke e bërë atë elastik ndaj tronditjeve.
Një rrjet i nervave dërgojnë mesazhe nga trupi në tru dhe anasjelltas. Tre pjesët kryesore të trurit që kontrollojnë aktivitete të ndryshme janë:
Truri i madh, ose cerebrumi – Kjo është pjesa më e madhe e trurit. Ajo kontrollon leximin, mendimin, mësimin, të folurit dhe emocionet.
Truri i vogël ose cerebellumi – kontrollon ekuilibrin dhe veprimet komplekse, si ecjen.
Truri i zgjatur – është një pjesë e cila lidh trurin dhe shtyllën kurrizore. Kjo kontrollon urinë, etjen, frymëmarrjen, temperaturën e trupit dhe tensionin e gjakut.
Ka shumë lloje të qelizave në tru. Qelizat e të menduarit, qelizat përgjegjëse për aktivitetin trunor, njihen si neurone. Qelizat tjera në tru ndihmojnë kujdesin për neuronet; ato njihen si “qeliza gliale”./Mesazhi/
