Procesi i Berlinit është një iniciativë ndërqeveritare rajonale diplomatike ndërmjet gjashtë vendeve të Ballkanit Perëndimor për normalizimin e rigjallërimin e marrëdhënieve rajonale në fushën e infrastrukturës, zhvillimit ekonomik, shkëmbimeve rinore si dhe integrimin e shteteve të lartpërmendura tyre në Bashkimin Europian.
Nisma, e mbështetur dhe nga Komisioni Europian, u ndërmor më 28 gusht të vitit 2014 nga kancelarja gjermane Angela Merkel nën prezencën e kryeministrave, ministrave të punëve të jashtme dhe ministrat e ekonomisë së vendeve të Ballkanit Perëndimor.
Disa nga sukseset më të rëndësishme janë marrëveshja për heqjen e çmimeve roaming, krijimi i korridoreve të gjelbra të transportit për të përshpejtuar procedurat kufitare, themelimi i Zyrës Rajonale të Bashkëpunimit Rinor (RYCO) dhe marrëveshja për krijimin e një tregu të përbashkët.
Qëllimi i Procesit të Berlinit, sipas Deklaratës Përfundimtare të Kancelares gjermane të vitit 2014, është: “Për të bërë më shumë progres në proceset e reformave, zgjidhja e çështjeve bilaterale të brendshme dhe pajtimi ndërmjet dhe midis shoqërive të rajonit”, “përforcimi i bashkëpunimit ekonomik rajonal” për rritje të qëndrueshme”.
Në daljen e saj të fundit si kancelarja e Gjermanisë, Angela Merkel, vlerësoi gjithë vështirësitë që ekzistojnë ende, veçanërisht për shkak të konflikteve në të shkuarën, por përmendi dhe një sërë suksesesh të prekshme si heqja e tarifave roaming, politikat e gjelbra dhe rritja e bashkëpunimit rajonal midis të rinjve. /euronews
