Ministri i Punëve të Jashtme, Mevlut Çavusoglu tha se rritja e pabarazisë ndikon negativisht më shumë se 70 për qind të popullsisë së botës.
Kreu i diplomacisë turke mbajti një fjalim në takimin e 60-vjetorit të Lëvizjes së Paangazhuar, të organizuar nga Azerbajxhani dhe të mirëpritur nga Serbia, si i vetmi përfaqësues special i vendeve mysafire që morën pjesë në nivel ministror.
Duke vënë në dukje se pabarazitë është në rritje në të gjithë botën, Çavusoglu tha: “Sipas raporteve të Kombeve të Bashkuara (OKB), rritja e pabarazisë ndikon negativisht në më shumë se 70 për qind të popullsisë së botës”.
Çavusoglu deklaroi se hendeku i zhvillimit dhe teknologjisë midis vendeve të zhvilluara dhe atyre më pak të zhvilluara po thellohet ndërsa zhvillimet teknologjike përshpejtohen.
Ai theksoi se Turqia ka bërë pjesën e saj duke mirëpritur “Bankën e Teknologjisë të Kombeve të Bashkuara për vendet më pak të zhvilluara” dhe përsëriti thirrjen e Turqisë për një sistem më përfshirës dhe përfaqësues të OKB -së, duke thënë: “Bota është më e madhe se pesë”.
Mevlut Çavusoglu vuri në dukje se Lëvizja e Paangazhuar mund të bëjë një ndryshim nga zhvillimi i qëndrueshëm dhe qasja në vaksinën e re universale të koronavirusit (Kovid-19), në kauzën palestineze, si dhe luftën kundër terrorizmit, dhe shtoi: “Qëllimi ynë i përbashkët duhet të jetë multilateralizmi aktiv që funksionon për të gjithë.”
Edhe pse Turqia nuk ka qenë anëtare, që nga viti 2006 ajo është ftuar në samitet dhe takimet e ministrave të jashtëm si vend mysafir në këtë Lëvizje. 120 vende janë të përfaqësuara si anëtare dhe 17 vende me status vëzhguesi.
Nga ana tjetër, ministri i Punëve të Jashtme, Mevlut Çavusoglu bëri një deklaratë në llogarinë e tij në “Twitter”, ku shkroi: “Në Beograd, me Ministrin e Jashtëm rus Lavrov diskutuam takimin e Presidentëve tanë në Soçi.” /trt
