Ministri i Sportit në Turqi, Mehmet Muharrem Kasapoğlu, ka ndërprerë kampionatet e futbollit, basketbollit dhe volejbollit në Turqi, e cila ishte një nga vendet e fundit që vazhdonte garat megjithë përhapjen e pandemisë së koronavirusit.

Mehmet Muharrem ka vendos të ndërpresë për një muaj këto aktivitete, pasi federatat e sporteve thanë se nuk dëshirojnë t’i vazdojnë garat.

Javën e fundit ndeshjet në Turqi janë luajtur me dyer të mbyllura, që është një nga masat për të parandaluar përhapjen e koronavirusit.

Por, ditët e fundit, lojtarë të shumtë dhe trajnerë, kanë bërë thirrje për ndërprerjen e kampionatit.

Në Turqi, deri më tani janë konfirmuar 200 të prekur me koronavirus, dy prej tyre kanë ndërruar jetë.

The post Zyrtare: Ndërpritet edhe Superliga e Turqisë appeared first on Mesazhi.com.

La Liga do të jetë kampionati tjetër që do të zgjas pezullimin.

Në Spanjë, ditëve të fundit koronavirusi ka bërë përhapje të madhe, duke regjistruar një numër të madh të viktimave.

Federata e Futbollit Spanjoll në fund të javës së kaluar pezulloi kampionatin për dy javë, por kjo kohë do të zgjate.

Qeveria e Spanjës planifikon të njoftojë për një shtrirje të re të izolimit në betejën për koronavirusin.

Këto vendime të qeverisë, do të bëjnë që La Liga të mos mund të fillojë së paku për një muaj.

Kujtojmë se Premierliga gjatë ditës së sotme ka vendosur që kampionati të mos nis më herët se data 30 prill.

The post Edhe La Liga do të zgjasë pezullimin e kampionatit appeared first on Mesazhi.com.

Ndërsa e gjithë Evropa po vuan me pandeminë koronavirus, asnjë vend nuk është goditur më shumë se Italia.

Përkundër përpjekjeve, Ministri i Sportit në vend, Vincenzo Spadafora thuhet se ka sugjeruar që Seria A të kthehet më 3 maj.

“Ne kemi pezulluar të gjitha detyrimet tatimore deri më 30 maj për të gjitha federatat sportive dhe për të gjitha aktivitetet e tjera sportive”, i tha Spdafora transmetuesit italian TG1, përcjell lajmi.net.

“Ne kemi pezulluar qiratë e të gjitha strukturave shtetërore dhe kemi siguruar një pagesë prej 600 euro për dhjetëra mijëra bashkëpuntorë sportive në të gjithë Italinë dhe që punojnë në ndërmarrje të vogla italiane”.

“Unë besoj se Seria A mund të kthehet më 3 maj, atëherë ne do të vlerësojmë nëse luhet pas dyerve të mbyllura, apo të hapura për publikun”.

“Kjo formulë do të shtohet më pas në garat ndërkombëtare, si Ligën e Kampionëve apo Ligën e Evropës”.

Duke marrë parasysh numrin e rasteve në Itali, duket se është një datë ambicioze e kthimit për futbollin në Serie A. 

The post Ministri i Sportit të Italisë jep datën se kur mund të kthehet Serie A appeared first on Mesazhi.com.

UEFA ka vendosur të shtyjë Kampionatin Evropian për vitin e ardhshëm, por ende nuk dihet se si do të përfundohen kampionatet kombëtare.

Shtëpia më e madhe e futbollit shpreson që kampionatet të rikthehen nga data 3 maj, dhe kampionët të përcaktohen në qershor.

Por, problemi më i madh i shfaqur është se çfarë do të ndodh nëse situata nuk rikthehet në normalitet, dhe ndeshjet nuk do të mund të luhen në orarin e përcaktuar nga UEFA.

Një mundësi e përmendur është që kampionët të përcaktohen ashtu siç kanë mbetur renditjet, e që po ka edhe kundërshtimet e saja, shkruan lajmi.net.

“Kjo do të ishte një padrejtësi e tmerrshme. Situata aktuale në tryezë nuk do të vendos se kush do të jetë kampion”, ka deklaruar presidenti i Federatës së Futbollit të Spanjës, Luis Rublies.

Legjenda e Arsenalit, Toni Adams, po mendon të njëjtën situatë në Premierligë.

“Vendimi i UEFA për të shtyrë EURO ndihmon, por duhet të dimë se çfarë do të ndodh nëse kampionati dështon të mbarojë”, ka deklaruar Adams, përcjell lajmi.net.

“Ju nuk mund t’i jepni titullin Liverpoolit dhe të hidhni tri skuadra nga Premierliga. Nuk mundeni sepse kampionati nuk ka përfunduar. Mund të duhet që sezoni të luhet nga e para”.

Liverpool kryeson në Premierligë me 25 pikë më shumë se Manchester City, dhe janë dy fitore larg titullit për të cilën kanë pritur 30 vjet.

The post “Ne nuk mund t’i japim titullin Liverpoolit” appeared first on Mesazhi.com.

UEFA ka vendosur që të shtyhet Kampionati Evropian për verën e vitit 2021, në mbledhjen urgjente që po mbahen sot me kreret e 55 federatëve.

Kjo është konfirmuar nga Federata e Futbollit të Norvegjisë, derisa zyrtarizimi i UEFA-s pritet të vijë pas pak momenteve.

CNN raportoi më herë që organizata e futbollit evropian ka anuluar të gjithë hotelet e rezervuara nëpër qytetet ku planifikohej të mbahej Euro 2020, transmeton lajmi.net.

Kampionati Evropian, që planifikohej të zhvillohej këtë verë, tani do të jetë në kalendarin e vitit të ardhshëm.

Evropiani pritet të nis nga 11 qershori deri më 11 korrik 2021.

Ndërkohë, gjatë verës pritet të luhen kampionatet – të cilat janë pezulluar për shkak të pandemisë koronavirus.

The post Zyrtare: Shtyhet Kampionati Evropian appeared first on Mesazhi.com.

UEFA po zhvillon sot takime urgjente me përfaqësuesit e klubeve evropiane dhe ligave dhe federatave kombëtare me qëllim marrjen e vendimeve në orarin e futbollit evropian të futbollit, në përgjigje të pandemisë koronavirus.

Pandemia tashmë ka nxitur shtyrjen masive të ndeshjeve lokale dhe ndërkombëtare të futbollit në të gjithë kontinentin.

Kërcënimi i koronavirusit do të thotë se takimet e së martës do të zhvillohen nga distanca, përmes thirrjes me video konferencë, transmeton lajmi.net.

Ata do të drejtohen nga presidenti i UEFA-s Aleksander Ceferin dhe ekipi i tij drejtues operacional dhe do të përfshijnë Shoqatën Evropiane të Klubeve, e cila përfaqëson pothuajse 250 klube në të gjithë kontinentin, dhe 55 shoqatat e anëtarëve të UEFA-s.

Vendimet përfundimtare për atë që ndodh më pas do të merren nga Komiteti Ekzekutiv i UEFA, i cili përfshin nënkryetarin e UEFA-s dhe ish-shefin ekzekutiv të Manchester United David Gill.

Ndeshjet e kampionateve, ato në Evropë si dhe ato ndërkombëtare pritet ta mësojnë fatin e tyre gjatë ditës së sotme.

The post UEFA sot mban takimin emergjent, çfarë do të ndodhë me futbollin evropian? appeared first on Mesazhi.com.

Mesfushori i Manchester United, Bruno Fernandes është emëruar lojtari i muajit në Premierligë për muajin shkurt pasi bëri një ndikim të madh në ‘Old Trafford’ pas lëvizjes së tij prej 55 milionë euro nga Sporting në janar.

United më në fund arriti të joshte portugezin pas shumë muajsh spekulime në 30 janar, i cili nënshkroi kontratë pesë-vjeçare.

25-vjeçari i është përshtatur kërkesave të futbollit anglez më shpejt nga ç’do të mund ta parashikonte, me një debutim fantastik ndaj Wolves – duke paralajmëruar me atë që po vinte, përcjell lajmi.net.

Fernandes vazhdoi me përformanca fantastike duke luajtur rol kryesor në fitoren 2-0 ndaj Chelsea më 17 shkurt.

Ish-lojtari i Sporting rrëmbeu shënoi golin e parë me Djajtë e Kuq një javë më vonë, në fitoren 3:0 ndaj Watford.

Fernandes është shpërblyer për fillimin e tij mbresëlënës në Manchester me vlerësimin e lojtarit të muajit, duke u bërë lojtari i parë portugez që fitoi çmimin që nga Deco me Chelsea në gusht 2008. 

The post Bruno Fernandes, lojtari i muajit shkurt në Premierligë appeared first on Mesazhi.com.

Tottenham Hotspur dhe Leicester City interesohen për Thomas Strakoshën.

Garë dyshe për Thomas Strakoshën. Portieri i kombëtares shqiptare i cili ka treguar një nivel shumë të lartë me Lazion gjatë këtyre viteve të fundit dhe në këtë sezon po ndihmon bardhekaltrit të luftojnë për titullin kampion në Itali, kërkohet nga ngulm nga dy skuadra të Premier League.

Tottenham Hotspur dhe Leicester City interesohen për gardianin e Lazios, i cili ka kontratë deri në vitin 2022 me kryeqytetasit, shkruan lajmi.net.

Strakosha përfiton 1 milionë euro në sezon te Lazio por për të shmangur interesin e klubeve angleze, Lotito mund ti ofrojë një kontratë të re.

Megjithatë nuk përjashtohet as largimi i kuqeziut nga bardhekaltrit por për ta lënë të lirë, Lazio do të kërkojë të përfitojë rreth 50 milionë euro nga shitja e tij edhe pse në transfermarkt, Strakosha vlerësohet 25 milionë euro. 

The post Dy gjigantët e Premierligës e duan Strakoshën appeared first on Mesazhi.com.

Situatë interesante ka mbretëtuar edhe në botën e futbollit, pas shpërthimit të pandemisë koronavirus.

Shembulli kryesor është në Premierligë, aty ku një ekip si Liverpool mund të kurorëzohet me titullin kampion pas 30 vitesh.

Të Kuqtë janë vetëm gjashtë pikë larg për të siguruar titullin e parë që nga viti 1990, por praktikisht është e pamundur të kapet nga vendi i dytë që mbahen nga Manchester City e ku diferenca është 25 pikë, përcjell lajmi.net.

Por sezoni i Premierligës mund të anulohen krejtësisht, nëse 14 klube vendosin të nënshkruajnë për një vendim të tillë.

Rrjedhimisht kuptohet që Liverpooli sërish nuk do të shpallej kampion.

Mbetet të shihet se çfarë do të ndodhë në mbledhjet e ardhshme të FA, Shoqatës së Futbollistëve e Klubeve.

The post Liverpool duhet të shqetësohet, 14 nënshkrime dhe anulohet sezoni i Premierligës appeared first on Mesazhi.com.

Është zbuluar oferta e fundit e Barcës për Neymar.

Barcelona do të bëjë tentimin final për të siguruar transferimin e Neymar JR, gjatë merkatos së verës. Por me këto zëra që po rriten, ‘MD’ ka zbuluar ofertën e fundit që katalanët kishin nisur për brazilianin.

Sipas raportimeve të ‘Mundo Deportivo’, Barcelona ofroi 130 milionë euro, plus tre lojtarë (një në huzaim).

Ivan Rakitic dhe Jean Clair Todibo i bashkoheshin ofertës së 130 milionë eurove.

Në pako futej edhe Ousmane Dembele, i cili te parisienët do të shkonte në formë huazimi, por kjo nuk bindi drejtuesit francez.

Barca thuhet se do të tentojë edhe këtë merkato për lojtarin. Braziliani vlerësohet nga PSG me 150 milionë euro. 

The post Zbulohet oferta e fundit nga Barca për Neymar – e pabesueshme si rezistoi PSG appeared first on Mesazhi.com.