Të gjitha garat e basketbollit të Federatës Ndërkombëtare të Basketbollit (FIBA) që nga e premtja pezullohen për shkak të koronavirusit, njoftoi sot federata, raporton Anadolu Agency (AA). 

“Duke marrë parasysh situatën aktuale me shpërthimin e koronavirusit (COVID-19) dhe me qëllim të mbrojtjes së shëndetit dhe sigurisë së lojtarëve, trajnerëve, zyrtarëve dhe tifozëve, FIBA sot ka njoftuar se të gjitha garat e FIBA-s janë pezulluar që nga nesër, e premte, 13 mars 2020”, tha federata ndërkombëtare në një deklaratë. 

“FIBA do të vazhdojë të monitorojë situatën çdo ditë dhe do të vlerësojë opsionet për vazhdimin apo jo të garave përkatëse kur dhe nëse situata e lejon atë”, shtohet më tej. 

Teksa bota përpiqet të frenojnë virusin që përhapet me shpejtësi, organizatorët e ngjarjeve sportive në të gjithë globin janë detyruar të anulojnë ose ndryshojnë planet e tyre. 

Organizata Botërore e Shëndetësisë (OBSH) të mërkurën shpalli koronavirusin një pandemi globale. 

The post FIBA pezullon ndeshjet e basketbollit nga shkaku i koronavirusit appeared first on Mesazhi.com.

Nga 13 deri më 16 mars, në Prishtinë ishte paraparë të organizohet turneu në basketboll për Zhvillimin e Gjeneratave të Reja (YDF) të FIBA Evropës.

Por, ky turne është shtyrë, për shkak të frikës nga koronavirusi, që është paraqitur në shumë shtete evropiane, duke përfshirë edhe fqinjët e Kosovës, Shqipërinë, Maqedoninë Veriore dhe Serbinë.

Në këtë turne pjesëmarrjen përveç ekipeve të Kosovës e kishin konfirmuar edhe Maqedonia Veriore, Turqia, Rumania dhe Bullgaria, me dy ekipe, një në konkurrencën e meshkujve dhe një në atë të femrave për kategorinë U15.

Por, turneu është shtyrë me kërkesën e shteteve pjesëmarrëse dhe me pajtim të FIBA Evropës.

The post Shtyhet aktiviteti i parë sportiv në Kosovë, shkak koronavirusi appeared first on Mesazhi.com.

Kosova ka hedhur një hap të rëndësishëm për të kaluar në raundin e parë të kualifikimeve për Botërorin 2023, pasi ka mposhtur Luksemburgun 84-80.

Ndeshja e zhvilluar në ‘Centre National Sportif & Culturel d’Coque’, i takoi Kosovës që triumfoi falë një fundi dramatik.

Pjesa e parë përfundoi me një pikë epërsi në të mirë të Luksemburgut 45-44, pavarësisht se Kosova e lëshoi avantazhin në fund, shkruan lajmi.net.

Në çerekun e tretë, vendasit arritën të shkëputeshin deri në 13 pikë – por djemtë tanë nuk u dorëzuan asnjëherë dhe kësisoj arritën të triumfonin në fund me rezultat 84-80 falë edhe tre pikëshav deçiziv të Erjon Kastratit.

Basketbollisti më i dalluar te tanët ishte Drilon Hajrizi me 25 pikë, pasuar nga Erjon Kastrati me 19 sosh e Gëzim Morina me 13.

Kosova aktualisht renditet në vendin e parë të para-kualifikimeve të Botërorit 2023 në grupin B, duke arritur dy fitore nga po aq ndeshje. Ndeshja e radhës luhet ndaj Sllovakisë. 

The post Kosova mposht edhe Luksemburgun appeared first on Mesazhi.com.

Kombëtarja e Kosovës në basketboll do të ketë sonte testin e radhës.

Në rrugëtimin drejt Kupës së Botës 2023, në fazën parakualifikuese, Kosova do të luajë ndeshjen e dytë. Sonte, Dardanët luajnë si mysafirë të Luksemburgut, shkruan lajmi.net.

Ndeshja e Kombëtares së Kosovës në basketboll do të luhet me fillim nga ora 18:00.

Dardanët e nisën mirë fazën e para-kualifikimeve evropiane për Kupën e Botës 2023, duke mundur Islandën 80:78, kurse fitorja ndaj Luksemburgut do tu ndihmonte shumë që të kalojnë në rrethin tjetër.

Kosova dhe Luksemburgu ishin përballur edhe vitin e kaluar, ku në takimin e parë Luksemburgu fitoi 88:80, derisa Kosova triumfoi në shtëpi 109:88.

The post Kupa e Botës 2023: Kosova luan kundër Luksemburgut – ‘Dardanët’ synojnë fitoren e radhës appeared first on Mesazhi.com.

Sot ka filluar shitja e biletave për ndeshjen mes ekipit kombëtar të Kosovës ne basketboll dhe Islandës, e cila është ndeshje parakualifikuese për Botërorin 2023.

Kosovën e pret përballja me Islandën në Pallatin e Rinisë dhe Sportit në Prishtinë me 20 shkurt në orën 19:00, para ndeshjes të 23 shkurtit si mysafire kundër Luksemburgut.

Të këto dy ndeshjet të muajit mars janë të vlefshme për Grupin B të fazës parakualifikuese për Botërorin 2023, ku garon edhe Kombëtarja e Sllovakisë.

Për ta përcjellë përballjen mes Kosovës dhe Islandës në Pallatin e Rinisë dhe Sportit në Prishtinë, të gjithë tifozët e interesuar mund të blejnë bileta qysh sot, në çmim prej 2 eurosh.

Biletat do të shiten te Newborn në Prishtinë sot prej orës 12:00 deri në orën 18:00. Nesër shiten te palestra në Rahovec prej orës 12:00 deri në 14:00 dhe te Shatërvani në Prizren prej orës 15:00 deri në orën 18:00. Ndërsa, të enjten shiten te Hotel Dukagjini në Pejë prej orës 11:00 deri në orën 15:00 dhe në shesh të Mitrovicës prej orën 15:00 deri në orën 17:00.

The post Fillon shitja e biletave për ndeshjen Kosovë – Islandë appeared first on Mesazhi.com.

Një nga garat më interesante në “NBA All Star” është edhe ajo e ngulitjeve.

Në United Center yjet si Pat Connaughton, Aaron Gordon, Dwigt Howard dhe Derrik Jones Jr dhanë spektakël me ngulitjet e tyre, me këtë të fundit që mori shpërblimin e më të mirit, shkruan koha.net.

E legjenda Koby Bryant u nderua nga ylli i LA Lakers, Dwight Howard i cili ngulitjet e tij i kishte bërë me veshje të “Superman-it”, derisa kishte shkruar në gjoks numrin 24, atë që e mbante Bryant.

Një nga momentet më spektakolare ishte edhe kur Aaron Gordon i Orlando Magic bëri ngulitje duke kërcyer mbi qendrën e Boston Celticut, Tacko Fall, i cili është i gjatë 2.26 metra.

The post Derrik Jones fiton spektaklin e ngulitjeve në NBA, nderohet Koby Bryant appeared first on Mesazhi.com.

Është publikuar lista e gjerë e basketbollistëve të Kombëtares së Kosovës për dy ndeshjet para kualifikuese për botërorin e vitit 2023.

Në një konferencë për media, ku është bërë edhe prezantimi i trajnerit Christos Marmarinos, është publikuar lista me lojtarët e ftuar.

Kosova gjatë muajit shkurt zhvillon dy ndeshje para kualifikuese.

Më 20 shkurt, në Prishtinë do të vijë Islanda, ndërsa më 23 shkurt, ‘Dardanët’ do të jenë mysafir të Kombëtares së Luksemburgut.

The post Kupa e Botës: Kosova publikon listën për dy ndeshjet para-kualifikuese appeared first on Mesazhi.com.

Helikopteri me të cilin po udhëtonte basketbollisti Kobe Bryant, fluturoi në mjegull përmes Los Angeles u rrëzua të dielën duke lënë të vrarë 9 personat që ishin në bord.

Fillimisht u konfirmua për vdekjen e Kobe Bryant, vajzës së tij 13-vjeçare Gianna, shoqes së saj, prindit të shoqes së Gianna-s dhe pilotit – derisa tani është mësuar identiteti i tetë viktimave që gjendeshin në helikopter gjatë ditës tragjike.

Kryebashkiakja e Kosta Mesa, Katrina Foley, konfirmoi se trajnerja e basketbollit për vajza, Christina Mauser, e cila është martuar me këngëtarin e Tijuana Dogs, Matt Mauser, ka ndërruar jetë, transmeton lajmi.net.

Por edhe më tragjike mbetet shuarja e familjes Altobelli. John Altobelli, një trajner bejsbolli në Orange County College, gruaja e tij Keri dhe vajza Alyssa ishin në mesin e viktimave nga rrëzimi i helikopterit.

Deri më tani, identiteti i paidentifikuar është ai i pilotit.

Dëshmitari okular Scott Daehlin, tha se ata nuk dëgjua ndonjë anomali të motorit. Ai u tha policisë së gjithçka dukj se po shkonte mirë. Por sipas tij ”dukshmëria” ishte fajtori kryesor. 

The post Identifikohen tetë viktimat e aksidentit fatal të Kobe Bryant appeared first on Mesazhi.com.

Basketbollisti i njohur amerikan, Kobe Bryant, ka vdekur pas një përplasje me helikopter.

Sipas TMZ, ylli i NBA po udhëtonte me tre persona tjerë me helikopterin e tij privat kur ndodhi dhe aksidenti të dielën, transmeton lajmi.net.

Sipas këtij mediumi, pesë personat që ishin në bord kanë vdekur.

TMZ raporton se ende nuk dihen shkaqet e aksidentit mirëpo, është duke u hetuar arsyeja e përplasjes së helikopterit. 

The post Ndërron jetë Kobe Bryant, përfshihet në aksident fatal me helikopter appeared first on Mesazhi.com.

KB Bashkimi ka finalizuar transferimin e parë këtë afat kalimtar.

Skuadra nga Prizreni ka bërë të ditur se kanë transferuar talentin kosovar, Roni Koshi, i cili është formuar si basketbollist te grupmoshat e reja të Galatasaray.

Roni Koshi është 20 vjeçar.

Njoftimi i KB Bashkimit:

ZYRTARE: RONI KOSHI në KB BASHKIMI 

Përforcimi i parë i këtij afati kalimtar për skuadrën tonë është njëri ndër basketbollistët më të talentuar kosovar, Roni Koshi.

Koshi vjen nga skuadra e grupmoshave të reja të Galatasaray-it, për të cilën luan që nga viti 2013. Me paraqitjet e mira te ky ekip, ai ka tërhequr vëmendjen edhe të përfaqësueses së Turqisë, e cila e kishte ftuar në ekipin e të rinjve duke ia besuar edhe shiritin e kapitenit të skuadrës.

Ai është regjistruar sot në FBK dhe pritet të jetë në dispozicion të trajnerit Illmen Bajra qysh për ndeshjen e parë të stinorit pranveror, që do të luajmë të dielën në “Sezai Surroi” përballë Lipjanit.

Koshi si nën 20 vjeçar gjatë këtij gjysmëstinori do të ketë regjistrim të dyfishtë dhe do të luajë njëkohësisht edhe në Ligën e Parë për skuadrën e Vëllaznimit.

The post KB Bashkimi e sjellë në Kosovë talentin e Galatasaray appeared first on Mesazhi.com.