Hamasi u ka dhënë përgjigje pozitive ndërmjetësuesve në lidhje me një draft-marrëveshjen për armëpushim në Gaza dhe shkëmbim të të burgosurve, tha një burim palestinez për Anadolu.
“Në kundërshtim me narrativën izraelite, Hamasi u dha ndërmjetësuesve një përgjigje pozitive për draft-marrëveshjen pasi pranoi hartat që përshkruanin tërheqjen izraelite nga qendrat e qyteteve në Gaza”, tha burimi.
“Izraeli ka shkaktuar vonesa duke dështuar në dorëzimin e hartave të detajuara të tërheqjeve të planifikuara të trupave të tyre nga qendrat e qyteteve, siç është rënë dakord në fazën e parë”, shtoi burimi.
