Policia në shtetin Rakhine të Mianmarit kanë shtënë me armë zjarri në drejtim të turmave budiste të cilat ishin duke u përpjekur të bllokojnë një varkë që barte ushqime.
Varka në fakt kishte mallra për banorët e Mianmarit, gjë që turma nuk e kishte kuptuar me kohë.
Turma kishte hedhur bomba benzine në barkë, gjë që bëri që të bëhen edhe arrestime.
Muslimanët Rohingya që kanë ikur përtej kufirit në Bangladesh dhe ata që janë duke qëndruar në Rakhine urgjentisht kanë nevojë për ndihmë, thonë agjencitë e ndihmës.
Rohingya janë minoritet në shtetin budist, të cilëve Mianmari ua mohon shtetësinë, duke thënë se ata janë emigrantë të paligjshëm. Mijëra persona kanë gjetur vdekjen nga dhuna e ushtruar tash e disa javë, ndërsa numri i të zhvendosurve është afro gjysmë milioni. /MESAZHI/
