Kryetari i Komisionit Europian Jean Claude Juncker ka paralajmëruar Italinë mbi rrezikun e manovrës ekonomike të sapo aprovuar nga qeveria Conte.
“Me këtë reformë rrezikohet fundi i euros në Itali. Italia po largohet nga objektivi i bilancit i aprovuar bashkarisht në nivel europian e do të pësoj fatin e Greqisë”, ka deklaruar Jean Claude Juncker.
“Nuk dëshëroj, është shprehur ai që pasi kemi kapërcyer krizën greke të kemi një tjetër krizë në Itali.”
“Italia , shtoj Juncker nuk duhet të pretendoj një trajtim special e shtesë nga Europa pasi kjo do të thotë fundi i euros”, tha ai, prandaj duhet të jemi shumë të rreptë.”
Ndaj kësaj deklarate ka reaguar menjëherë zëvendëskryeministri e ministri i Brendshëm Matteo Salvini.
“Në Itali, tha ai, nuk pinë ujë kërcënimet e Juncker, që sot krahason vendin tonë me Greqinë, Detyra e qeverisë është t’i përgjigjet nevojave të qytetarëve të drejtës për punë, siguri, shëndet e ne nuk do të ndalemi”, tha ai.
Ka reaguar gjithashtu dhe kryeminstria italiane e cila me një komunikim për mediat deklaron se “Italia ka një ekonomi të fortë e të qëndrueshme e se reforma ekonomike e aprovuar në këshillin e ministrave është një manovër serioze, e menduar mirë me qëllim zhvillimin ekonomik me reforma strukturore. Sipas kryeministrisë italiane qeveria është frut i votës demokratike të popullit dhe ajo është e impenjuar të vazhdoj me këmbëngulje në këtë drejtim.”
Ndaj kësaj përplasje mes Romës dhe Brukseli është shprehur dhe komisioneri i lartë evropian për Ekonominë Pierre Moscovici ka deklaruar se detyra e Komisoionit Evropian është të bind Italinë për të bërë një hap pas.
Vetëm pak ditë më parë ekzekutivo i Conte miratoi dekret ligjin mbi bilancin e 3 viteve të ardhshme ku raporti borxh publik/ PPB është ndryshuar në 2.4%. Nga 1.6% që është limiti i koeficientit të vendosur nga Komisioni Evropian.
Tashmë ky dekret ligj pritet të firmoset nga Presidenti Mattarella për t’u çuar më pas për aprovim në Parlamentin Italian./Ora News.
