Brownies janë ëmbëlsira tradicionale amerikane shumë të shijshme të cilat gjenden në 1001 mënyra të përgatitjes.
▪Përbërsit
- 200 gr çokollatë
- 160 gr gjalp
- 4 vezë në temperaturë ambienti
- 160 gr sheqer
- 130 gr miell
- 20 gr kakao
- 1/2 lugë e vogël fryrës për ëmbëlsira
- pak kripë
▪ Përgatitja:
– Vendosim çokollatën e zezë me gjalpin në banjo mari deri sa të treten bashkë.
– Në një enë tjetër përziejmë përbërësit e thatë si: miell, kakao, fryrës për ëmbëlsira, kripë.
– Në një enë tjetër përziejmë me mikser vezët me sheqerin derisa të trefishohen në volum dhe ngjyra e vezëve të zbardhet.
– Shtojmë masën e çokollatës tek masa e vezëve dhe e përziejmë nga lart poshtë me delikatesë derisa të marrë ngjyrën e çokollatës plotësisht.
– Dhe në fund shtojmë përbërësit e thatë në dy pjesë dhe përziejmë përsëri nga lart poshtë me delikatesë.
– Të gjithë masën e përzier e hedhim në tavë të shtruar me letër furre dhe e pjekim në 180 gradë në furrë të parangrohur për 30 – 35 minuta.
– Mbas pjekjes e lemë të ftohet për 5 minuta dhe e nxjerrim me ndihmën e letrës nga tava, e presim në kuadrate sipas madhësisë që dëshironi.
