Siç raportuam dje, fondacioni bamirës britanik Al Khair Foundation ka njoftuar se tetë nga punonjësit e tij humanitarë u vranë në një sulm ajror me dron izraelit në Beit Lahiya, në veri të Gazës, të shtunën, duke shkelur armëpushimin e dakordësuar.
Sipas mediave britanike Middle East Eye (MEE), një zëdhënës i Zyrës së Jashtme, Commonwealth-it dhe Zhvillimit të Mbretërisë së Bashkuar refuzoi të dënojë sulmin izraelit.
Në vend të kësaj, zyra tha se ishte “thellësisht e trishtuar” për sulmin, sipas gazetarit të MEE, Imran Mullah.
“Është thelbësore që – në të gjitha rrethanat – civilët të mbrohen, përfshirë gazetarët dhe organizatat humanitare, të cilat duhet të jenë në gjendje të kryejnë punën e tyre të domosdoshme në siguri,” tha zëdhënësi për MEE.
“Është thellësisht e trishtë të dëgjosh për humbje të mëtejshme jete në Gaza, dhe Britania dëshiron që armëpushimi të vazhdojë,” shtoi ai.
