Një grupë biznesesh shqiptare nga Turqia kanë vizituar Komunën e Gjilanit.
Ata janë pritur nga nënkryetarja Leonora Morina Bunjaku dhe nënkryetari Kadir Hyseini.
Ajo në emër të kryetarit Alban Hyseni, i ka falënderuar mysafirët nga Turqia pêr kontributin
e dhënë para, gjatë dhe pas luftës në Kosovë, posaqërisht në Komunën e Gjilanit.
Nënkryetarja Morina Bunjaku, u zotua se Komuna e Gjilanit do të bashkëpunoi me bizneset shqiptare nga Turqia të cilat janë të mirëpritura për investime.
“Prioritet i kryetarit Hyseni dhe komunës është zhvillimi ekonomik. Kemi politika tërheqëse lokale për thithjen e investimeve. Pas përfundimit të procedurave do tê bëhet edhe Zona Ekonomike, ku bizneset do të kenë të gjithë infrasteukturën adekuate”, tha Leonora
Morina Bunjaku.
Nënkryetarja e komunës i ftoi bizneset shqiptare e turke që të vijnë e investojnë në Anamoravë.
“Jemi të hapur për bashkëpunim të zhvillimit ekonomik dhe më gjerë”, tha Morina Bunjaku.
Nga ana tjetër Gokhan Biçen, kryetar i Unionit të Bizneseve Shqiptare në Turqi, falënderoi zyrarët e Komunës së Gjilanit për pritjen.
“Jemi të interesuar për investime në fushën e prodhimit në Komunën e Gjilanit e më gjerë”, tha kryetari Biçen.
Ai tregoi se kanë ardhur rreth 20 përfaqësuesë tê biznesve shqiptare nga Turqia me qëllim të zhvillimit ekonomik të vendit tonë.
