Wall Street Journal (WSJ) raporton se bisedimet e armëpushimit midis Izraelit dhe Hamasit “kanë hyrë në një ngërç në ditët e fundit”.
Duke cituar “ndërmjetësuesit arabë”, WSJ tha se të dy palët po shqyrtonin një armëpushim 60-ditor gjatë të cilit deri në 30 robër izraelitë të mbajtur në Gaza do të ishin liruar.
Në këmbim, Izraeli duhej të lironte të burgosurit palestinezë dhe të lejonte që ndihma më e madhe humanitare të lihej në Gaza, thanë ndërmjetësit.
Por bisedimet tani kanë ngecur.
“Ndërmjetësuesit thanë se Izraeli këmbënguli që të merrte vetëm pengje të gjallë në çdo shkëmbim dhe refuzoi të aprovonte lirimin e disa prej të burgosurve palestinezë të kërkuar nga Hamasi”, tha WSJ.
Hamasi gjithashtu kërkoi që armëpushimi të ishte një “rrugë drejt përfundimit të luftës”, shtoi ai.
