Presidenti i SHBA-së, Joe Biden diskutoi me kryeministrin e Sllovenisë, Robert Golob, për marrëdhëniet dypalëshe, Lindjen e Mesme dhe luftën Rusi-Ukrainë, transmeton Anadolu.
Në një deklaratë nga Shtëpia e Bardhë thuhet se Biden priti në një takim në Shtëpinë e Bardhë, kryeministrin slloven Golob i cili ndodhet për vizitë në SHBA.
Në takim, Biden falënderoi Golob-in për rolin e tij në marrëveshjen për shkëmbimin e pengjeve të kryer me Rusinë.
Dy liderët trajtuan çështje të tilla si energjia e pastër, bashkëpunimi SHBA-Slloveni dhe Ballkani Perëndimor si dhe përsëritën mbështetjen e tyre për Kievin në luftën Rusi-Ukrainë.
Biden dhe Golob diskutuan gjithashtu mbi zhvillimet e fundit në Lindjen e Mesme dhe theksuan rëndësinë e vendosjes së armëpushimit për mbrojtjen e civilëve dhe parandalimin e krizës humanitare në Rripin e Gazës.
Presidenti amerikan nënvizoi nevojën për rritjen e investimeve ndaj NATO-s në fushën e mbrojtjes.
Në Shtëpinë e Bardhë për herë të fundit në vitin 2006, ish-presidenti i SHBA-së, George W. Bush priti, ish-kryeministrin slloven Janez Jansha.
