Erdhi te Pejgamberi (s.a.v.s.) një person shpirt prishur dhe ia tha fjalët më të këqija, kurse Pejgamberi (savs) ia ktheu: ‘Ti ke të drejtë!’
Ndërsa Ebu Bekri (r.a.) u hodh dhe i tha: ‘Si do të ketë të drejtë kur ne e dimë se kush je ti, o i Dërguari i Allahut!’
Resulullahu (s.a.v.s.), i tha: ‘Edhe ti ke të drejtë!’
Ebu Bekri (r.a.), i habitur i tha: ‘Si mund të kemi të drejtë të dy?’
Pejgamberi (s.a.v.s.) tha: ‘Besimtari është pasqyrë për besimtarin. Ky njeri i prishur e pa në mua veten e tij, dhe ai në realitet foli për vetveten.’
Nuk është fajtore pasqyra nëse dikush është i shëmtuar!
Mesazhi:
Kur dikush na thotë fjalë të shëmtuara, duhet ta dimë se ai po flet për veten e tij dhe duhet të bëjmë durim. Shpirtrat e prishur janë si një tenxhere që digjet dhe nuk e ndiejnë mëkatin. Ata i urrejnë shpirtrat e pastër sepse janë të prishur.
Përktheu: Miftar Ajdini
