Milot Rashica nuk ishte fare në formacionin e Beshiktashit që të shtunën barazoi me Alanyasporin, në kuadër të xhiros së 17-të të Superligës së Turqisë.
Beshiktashi e Alanyaspori barazuan 1:1, ndërsa të dy golat u shënuan në shtatë minutat e parë të ndeshjes.
Nuno Lima shënoi për mysafirët në minutën e pestë, kurse Rafa Silva dy minuta më pas e vendosi rezultatin përfundimtar.
Fidan Aliti e Florent Hadërgjonaj e kompletuan ndeshjen te mysafirët, kurse Ernest Muçi luajti deri në minutën e 70-të te Beshiktashi.
