Kryeministri izraelit, Benjamin Netanyahu, 75 vjeç, do të kryejë një operacion për heqjen e prostatës, sipas njoftimit zyrtar nga zyra e tij.
Netanyahu iu nënshtrua një ekzaminimi në spitalin Hadassah të Jerusalemit, ku mjekët zbuluan një infeksion në traktin urinar të shkaktuar nga zmadhimi beninj i prostatës. Pas trajtimit me antibiotikë, infeksioni raportohet se është përmirësuar me sukses.
Operacioni është planifikuar për të dielën, me më shumë detaje që do të publikohen në një moment të mëvonshëm, sipas deklaratës zyrtare.
Netanyahu është në qendër të kritikave për përgjegjësinë e tij në konfliktin aktual, i cili ka shkaktuar humbje të mëdha njerëzore, me rreth 50,000 palestinezë dhe 1,500 izraelitë të vrarë deri më tani.
