Ultranacionalisti izraelit Itamar Ben-Gvir është riemëruar në postin e ministrit të Sigurisë Kombëtare, sipas zyrës së kryeministrit.
Udhëheqësi i partisë së ekstremit të djathtë Otzma Yehudit ose Fuqia Hebraike që nga viti 2019, Ben-Gvir dha dorëheqjen në janar në shenjë proteste ndaj marrëveshjes së armëpushimit të arritur për t’i dhënë fund luftimeve në Gaza.
Kthimi i tij në kabinet vjen një ditë pasi Izraeli nisi një valë sulmesh të papritura ajrore në Gaza që vranë më shumë se 400 palestinezë dhe ndërsa kryeministri Netanyahu premtoi sulme të pandërprera ushtarake derisa Hamasi të lirojë robërit.
“Qeveria miratoi njëzëri propozimin e kryeministrit Benjamin Netanyahu për të riemëruar MK Itamar Ben-Gvir në postin e Ministrit të Sigurisë Kombëtare”, tha zyra e kryeministrit në një deklaratë.
