Policia belge largoi nga kampusi studentët që protestonin në mbështetje të Palestinës prej një muaji e gjysmë në Universitetin e Lirë të Brukselit (ULB), transmeton Anadolu.
Sipas lajmit të agjencisë zyrtare Belga të Belgjikës, protesta që studentët vazhdonin duke u ulur në kampusin e ULB-së, u përball me ndërhyrjen e policisë në orën 06:30 me orën lokale.
Protesta përfundoi pasi policia i nxori jashtë studentët dhe pasi çmontoi të gjitha tendat dhe pankartat për dy orë.
Me kërkesë të studentëve, administrata e ULB-së, më 28 maj njoftoi se ka pezulluar të gjitha marrëdhëniet akademike me Izraelin deri në respektimin e vendimeve të Gjykatës Ndërkombëtare të Drejtësisë (GJND).
Rektorja, Annemie Schaus, javën e kaluar duke thënë se protesta e tejkaloi qëllimin e saj, kërkoi që ndërtesa të evakuohet sa më parë.
Studentët ndanë mesazhe në mediat sociale se ndërhyrja e policisë ka qenë e ashpër.
