Një fotografi e shkrepur në kampin e Aushvis mund t’iu kushtojë shumë 3 minoreneve. Ato kanë pozuar duke bërë përshëndetjen naziste dhe për këtë rrezikojnë deri në 3 vite burg.
Në hyrje të kampit të vdekjes në Auschëitz në Poloni, tre vajza të mitura në një ekskursion shkollor vendosën të shkrepnin një fotografi duke bërë përshëndëtjen naziste. Fotoja u publikua më pas në Instagram, por autorja e postimit, duke vërejtur rrëmujën e krijuar, e ka hequr atë menjëherë. Megjithatë, autoritetet polake i kanë identifikuar ato dhe tani rrezikojnë deri në tre vjet burgim.
“Ekipi menaxhues i ka kërkuar prokurorisë të hetojë apologjinë e nazizmit dhe përbuzjen e memorialit” ka bërë të ditur për mediat polake Bartosz Bartyzel, zëdhënës i muzeut Auschëitz. Një sjellje e tillë është shokuese dhe e tmerrshme. Edukimi dhe dhe ndjeshmëria ndaj fatit tragjik të të gjitha viktimave të Aushvicit janë shumë të rëndësishme”, thotë ai.
Në Poloni nuk ekziston ndonjë ligj specifik që ndalon apologjinë e nazizmit apo fashizmit. Sidoqoftë, ata që ndjehen të ofenduar nga gjesti i tre vajzave kërkuan që legjislacioni që dënon ata që përhapin urrejtjen të zbatohet, për të cilët ekziston dënimi deri në tre vjet burg. Kjo nuk është hera e parë që ndodhin incidente të tilla. Në vitin 2017, një grup studentësh suedezë u gjobit për disa komente të papërshtatshme gjatë vizitës në muze. /abcnews.al
