Dani Alves ka theksuar se Neymar i tha atij muajin e kaluar që të shkojë në Paris Saint-Germain, ndërsa ai po shqyrtonte lëvizjen e tij në kryeqytetin francez.
Mbrojtësi brazilian, i cili u lirua nga Juventusi pas sezonit të kaluar, ishte shumë i lidhur me Manchester Cityn deri në nënshkrimin me PSG-në, në një lëvizje shokuese më 12 korrik.
Kjo ishte pesë ditë para se raportet e para thoshin se Neymari po mendonte gjithashtu të bashkohej me PSG-në nga Barcelona, por Alves tha se shokët e tij të ekipit të Brazilit e kishin të ditur më herët se ai po shqyrtonte një lëvizje.
“Neymar pati shumë ndikimin në zgjedhjen time për të luajtur me Parisin”, ka thënë fillimisht Dani Alves pas ndeshjes së parë zyrtare në Ligue 1.
“Njerëzit mendojnë se Neymari është ende një fëmijë, një adoleshent 20-vjeçar që nuk merr dot vendime, por fëmija është rritur dhe burrat nuk i tremben sfidave dhe marrin përsipër përgjegjësitë”.
Neymar dhe Alves njihen për miqësinë e madhe mes vete
“Besoj se ai ka ditur të bëjë një zgjedhje të guximshme dhe lavdia i takon atyre që guxojnë”.
“Neymarit i pëlqejnë sfidat dhe mua gjithashtu dhe kjo është arsyeja pse të dy vendosëm të firmosnim për PSG”, përfundoi mbrojtësi brazilian.
