BE mbështetje shtesë prej 100 milionë euro programit për vaksinën anti COVID-19

Komisioni Evropian njoftoi se do të sigurojë mbështetje shtesë prej 100 milionë euro për Programin e Qasjes Globale të Vaksinave (COVAX) për koronavirusin e ri (COVID-19), transmeton Anadolu Agency (AA).

Presidentja e KE-së, Ursula von der Leyen tha se do të ofrojnë më shumë kontribut ndaj mekanizmit të COVAX i cili synon qasje të drejtë dhe të barabartë globale të vaksinës dhe e cila është formuar në Forumin e Paqes në Paris nën kryesimin e Organizatës Botërore të Shëndetësisë (OBSH), Aleancës Globale për Vaksinat dhe Imunizimin (GAVI) dhe Koalicionit të Inovacionit për Përgatitje ndaj Sëmundjeve Epidemike (CEPI).

“KE-ja më parë ka premtuar se do të sigurojë një kontribut prej 400 milionë euro për COVAX”, rikujtoi Von der Leyen, e cila njoftoi se për programin do të sigurohet një fond shtesë prej 100 milionë euro.

Mekanizmi COVAX po zhvillon bisedime me prodhues të ndryshëm për blerjen e 2 miliardë dozave të vaksinës kundër COVID-19 deri në fund të vitit 2021.