Rajoni i Ballkanit duket se është përfshirë në problematika të shumëfishta të destabilitetit politik dhe ngecjes ekonomike.
Në mes të këtij ambienti Shqiptarët rezultojnë të jenë më të kënaqur me jetën në Rajon në krahasim me 5 shtetet e tjera, Serbia, Bosnja, Kosova, Maqedonia e Veriut dhe Mali i Zi, tregojnë rezultatet e sotme të Barometrit të Ballkanit nga Këshilli i Bashkëpunimit Rajonal.
Rreth 30 për qind e shqiptarëve të anketuar janë të kënaqur me situatën ekonomikë në Shqipëri, përkundrejt 28 për qind që mendojnë se situata ekonomike është shumë keq.
Ky është rezultati më i mirë në Rajon, përkundrejt Bosnjës që vetëm 18 për qind mendojnë se janë shumë mirë ekonomikisht, Kosovës 29 për qind, Maqedonisë së Veriut 9 për qind, Malit të Zi 22 për qind dhe Serbisë 26 për qind.
Shqipëria ka përmirësim edhe në raport me vetën, ku në barometrin e vitit 2023 rreth 24 për qind e të anketuarve në Shqipëri ishin të kënaqur me situatën ekonomike. Rënia të madhe të vlerësimit për gjendjen e tyre ekonomike kishin të gjitha vendet e tjera të Rajonit.
Në Kosovë vitin e kaluar 43 për qind e të anketuarve ishin të kënaqur me situatën e tyre ekonomike në nivel shumë më të lartë se Shqipëri dhe me nivelin më të lartë të optimist në Rajon.
Por këtë vit vetëm 29 për qind e Shqiptarëve në Kosovës e vlerësojnë pozitivisht situatën e tyre ekonomike, duke u renditur të dytët pas Shqipërisë.
Në Serbi në vitin 2023 ishin të kënaqur 35 për qind e të anketuarve dhe këtë vit vetëm 26 për qind. Rënia e optimizmit ishte më e lehtë në Malin e Zi dhe Bosnjë.
Barometri i Ballkanit është sondazh vjetor mbledh zërat e mbi 6,000 qytetarëve dhe 1,200 bizneseve nga rajoni, duke ofruar një pamje zbuluese të opinioneve mbi çështjet kryesore që formësojnë të ardhmen.
Nga integrimi në BE dhe bashkëpunimi rajonal te digjitalizimi, rimëkëmbja e gjelbër, klima e investimeve të biznesit dhe më gjerë, Barometri Ballkanik i këtij viti zhytet thellë në atë që ka më shumë rëndësi për njerëzit dhe kompanitë që nxisin ndryshimin.
Ai shqyrton gjithashtu lëvizshmërinë, arsimin, administratën publike, korrupsionin, punësimin dhe tendencat e tregut të punës, duke theksuar progresin që kanë bërë ekonomitë e Ballkanit Perëndimor në rrugëtimin e tyre evropian dhe përpjekjet për transformim rajonal. /
