Barcelona ka arkëtuar tri pikë të reja në kuadër të La Liga.
Në udhëtim kundër Real Valladolid, Barcelona ka shënuar një fitore minimale, me rezultatin 0:1, shkruan lajmi.net.
Goli i vetëm në këtë takim erdhi në minutën e 15’, kur Arturo Vidal dërgoi topin në rrjetën e Valladolid.
Në këtë gol përfshirje direkte pati edhe Lionel Messi, i cili asistoi për golin e Vidal, duke shkruar kështu historinë në La Liga.
Me këtë fitore të siguruar sonte, Barcelona shkon në kuotën e 79 pikëve për pozitën e dytë, duke u afruar në vetëm një pikë me Real Madrid që është lider.
Real Valladolid mbetet me 39 pikë në pozitën e 14-të në tabelë.
