Barcelona ka bërë edhe një hap të gabuar në garën për titull në La Liga.
Të dielën mbrëma, Barça u mposht në shtëpi nga Leganesi me rezultatin 1:0.
Sfida u vendos që në minutën e katërt kur realizoi Sergio Gonzalez.
Barça nuk ka ndalur përpjekjet më pas, por pa konkretizuar deri në fund.
Barcelona mbetet e para me 38 pikë nga 18 ndeshje. 38 pikë tani i ka edhe Atletico Madridi, nga 17 ndeshje. Real Madridi është i treti me 37 pikë, po ashtu nga 17 ndeshje.
Leganesi është i 15-ti me 18 pikë
