Skuadra e Ballkanit në krye me Ismet Munishin, i ka bërë “korridorin e nderit” skuadrës së Dritës, kampionëve të rinj të Superligës së Kosovës.
Para fillimit të ndeshjes së xhiros së fundit në Superligën e Kosovës, lojtarët e Ballkanit janë rreshtuar për të nderuar kampionët e rinj, duke i pritur me duartrokitje, shkruan lajmi.net.
Një standard i tillë është vendosur me vite në vendet e Evropës, ku përgëzohen ata që arrijnë suksese të caktuar.
Sigurisht që është për t’u vlerësuar akti i Ballkanit, që pret në këtë formë rivalin kryesor të këtij sezoni, që në fund edhe ia rrëmbeu titullin.
