Avioni i parë që nisi nga Aeroporti Ndërkombëtar i Damaskut pas rrëzimit të regjimit Baath në Siri, ka ateruar në aeroportin e Halepit në veriperëndim të vendit, raporton Anadolu.
Avioni i pasagjerëve i kompanisë “Syrian Airlines” që u nis nga aeroporti i Damaskut, i cili filloi sërish të funksionojë pas rënies së regjimit të Asadit më 8 dhjetor, kreu fluturimin e tij të parë drejt aeroportit të Halepit në veri të vendit.
Sipas të dhënave të aplikacionit që ndjek fluturimet në mbarë botën “FlightRadar24”, avioni ka qenë fluturimi më i ndjekur gjatë udhëtimit të tij, me 7 mijë persona që e kanë ndjekur drejtpërdrejtë.
Rihapja e aeroportit në Damask u ndoq me një interesim të madh.
Bashar al-Asadi, lideri i Sirisë për pothuajse 25 vjet, u arratis në Rusi pasi grupet kundër regjimit më 8 dhjetor morën kontrollin e Damaskut, duke i dhënë fund regjimit të partisë Baath, e cila ka qenë në pushtet që nga viti 1963.
