Sekretari amerikan i Mbrojtjes, Lloyd Austin, tha se pas përmbysjes së regjimit të Bashar al-Asadit, trupat amerikane duhet të ruajnë praninë e tyre në Siri në mënyrë që të parandalojnë rishfaqjen e kërcënimit të organizatës terroriste DEASH, transmeton Anadolu.
Duke folur për Associated Press (AP) në bazën ajrore Ramstein në Gjermani, ku përfaqësuesit nga vendet u takuan për të diskutuar ndihmën ushtarake për Ukrainën, Austin mbrojti idenë se forcat e SHBA-së të pozicionuara në Siri duhet të vazhdojë të qëndrojë në këtë vend për të parandaluar DEASH-in të fitojë forcë pas përmbysjes së regjimi të Asadit.
Austin deklaroi se është e rëndësishme që ushtarët amerikanë të qëndrojnë në rajon, veçanërisht për sigurinë e kampeve ku mbahen anëtarët e organizatës terroriste DEASH dhe familjet e tyre, përndryshe DEASH mund të arrijë një nivel që do të përbënte sërish një kërcënim.
Numri i trupave amerikane në Siri ka arritur në 2.000, ndërkohë kjo shifër paraqet një rritje të konsiderueshme krahasuar me shifrën e shpallur zyrtarisht prej kohësh me praninë ushtarake prej 900 ushtarësh.
– Vendimi i Trumpit për tërheqjen e trupave amerikane nga Siria
Gjatë mandatit të tij të parë si president në dhjetor 2018, presidenti i sapo-zgjedhur i SHBA-së, Donald Trump, njoftoi vendimin për tërheqjen e rreth 2.000 trupave amerikane nga Siria për shkak të vendosmërisë së Türkiyes për të nisur një operacion ndërkufitar kundër objektivave të organizatës terroriste PKK/YPG, por pas një kohe të shkurtër ai e zbuti këtë vendim dhe dha urdhër që “ky numër të zvogëlohet gradualisht me kalimin e kohës”.
Pas vendimit të Trumpit për tërheqjen nga Siria, sekretari amerikan i Mbrojtjes i asaj periudhe, Jim Mattis, dha dorëheqjen.
Në tetor 2019, Trump deklaroi se SHBA-ja kishte qëndruar në Siri më shumë se sa duhej dhe se nuk donte që ushtarët e tij të qëndronin më atje.
Planet e Trumpit për tërheqjen e trupave janë pritur me kundërshtime të hapura, veçanërisht nga Komanda Qendrore e SHBA-së dhe figura të tilla si Brett McGurk, i cili shërbeu si përfaqësues i posaçëm kundër DEASH-it deri në fund të vitit 2018.
Menjëherë pas vendimit të administratës Trump për t’u tërhequr nga Siria më 19 dhjetor 2018, McGurk dha dorëheqjen dy muaj para përfundimit të mandatit të tij.
Në zgjedhjet e vitit 2020, presidenti i sapozgjedhur i SHBA-së, Joe Biden, emëroi McGurk-un si koordinator i Këshillit të Sigurisë Kombëtare të SHBA-së për Lindjen e Mesme dhe Afrikën e Veriut, ndërsa edhe u forcua politika e SHBA-së për Sirinë në të cilën ajo mbështet organizatën terroriste PKK/YPG.
Në deklaratën e tij në platformën Truth Social, Trump iu referuar përparimit të grupeve të armatosura të udhëhequra nga Hayat Tahrir al-Sham (HTS) në Siri në procesin që çoi në përmbysjen e regjimit 61-vjeçar Baath më 8 dhjetor 2024, Trump theksoi se SHBA-ja nuk duhet të ndërhyjë në këto konflikte.
